Радиостудия Sputnik Кыргызстан в Бишкеке - Sputnik Кыргызстан, 1920
Радио

Айып пул төлөбөгөн айдоочулар чет өлкөгө чыга албайбы? Юристтин түшүндүрмөсү

© Sputnik / Табылды КадырбековЮридикалык клиникалар ассоциациясынын жетекчиси, илимдин кандидаты Артур Бакиров
Юридикалык клиникалар ассоциациясынын жетекчиси, илимдин кандидаты Артур Бакиров - Sputnik Кыргызстан, 1920, 10.05.2022
Жазылуу
Юридикалык клиникалар ассоциациясынын жетекчиси, илимдин кандидаты Артур Бакиров "Коопсуз шаар" боюнча айып пул төлөбөгөндөрдү чет өлкөгө чыгарбай коюу мыйзамдуубу деген суроого жооп берди.
Чет өлкөгө чыгарда автоунаага айып пул салынган-салынбаганын текшерип алуу керек. Бул тууралуу Артур Бакиров Sputnik Кыргызстан радиосунун "Онлайн-адвокат" рубрикасында билдирди.
Айып пул төлөбөгөн айдоочулар чет өлкөгө чыга албайбы? Юристтин түшүндүрмөсү
Анын айтымында, киргизилген өзгөртүүлөргө ылайык, эми айып баракча кат аркылуу келбей калышы ыктымал.
"2021-жылы 28-октябрда кабыл алынган Укук бузуулар кодексине өзгөртүүлөр жана толуктоолор киргизилген. Ага ылайык, "Коопсуз шаар" системасы аркылуу келген айып пулду төлөбөгөндөрдү чек ара кызматкерлери кармайт. Ушул кодекстин 21-бөлүмүнө ылайык, автоматтык түрдө иштеген фото, видеосу бар сертификатталган атайын аппараттар аркылуу укук бузуу аныкталса, тиешелүү протокол түзүлбөйт. Түздөн-түз укук бузуулар боюнча токтом кабыл алынат. Буга чейин айыпкерге жол эрежесин бузганы тууралуу кат келген болсо, мындан ары ал келбей калышы ыктымал. Анткени ал SMS-билдирүү же электрондук кат аркылуу келиши мүмкүн. Укук бузуулар тиешелүү органдын порталына жүктөлгөндөн тартып ишке аша баштайт. Башкача айтканда, ар бир автоунаанын ээси сыртка чыгарда "Коопсуз шаар" системасы аркылуу айып пулдун бар-жогун текшерип алуу зарыл. Эгер эреже бузулуп, айдоочу ага макул болсо төлөп койгон оң", — деди Бакиров.
Юрист айып пул жазылган токтом менен айдоочу макул эмес болсо тиешелүү тартипте сотко же комиссияга кайрыла аларын кошумчалады.
Жаңылыктар түрмөгү
0