Билим берүү министринин орун басары Уланбек Мамбетакуновдун өмүр баяны
Жазылуу
Уланбек Мамбетакунов 1974-жылдын 25-сентябрында туулган.
Билими:
1996-жылы Кыргыз мамлекеттик университетинин физика-техника факультетин аяктаган. Кийинчерээк педагогика илимдеринин доктору деген илимий наам алган. Бир катар эл аралык билим берүү программаларынын стипендианты.
Эмгек жолу:
1993–1994 — № 28 орто мектебинде физика мугалими;
1995-2002 — № 47 орто мектебинде информатика, астрономия жана физика мугалими;
2000-2002 — Жусуп Баласагын атындагы КУУнун Адистерди максаттуу даярдоо институтундагы компьютердик технология департаментинде окутуучу;
2003-2005 — Кыргыз-түрк кыздар лицейинде информатика мугалими;
2004-2009 — Кыргыз мамлекеттик юридика академиясында маалыматтык укук жана табигый-илимий дисциплина кафедрасынын доценти;
2005-2007 — Жусуп Баласагын атындагы КУУнун Адистерди максаттуу даярдоо институтундагы компьютердик технология департаментинин деканы;
2007-2008 — Жусуп Баласагын атындагы КУУнун маалымат жана коммуникация институтунун доценти;
2008-2012 — Кыргыз билим берүү академиясынын ага илимий кызматкери;
2008-2009 — Жусуп Баласагын атындагы КУУнун инновациялык технология боюнча Евразия институтунда менеджер;
2008-2010 — Жусуп Баласагын атындагы КУУнун инновациялык технология боюнча Евразия институтунда доцент;
2010-2011 — Бишкек финансы-экономикалык академиясынын маалыматтык технология борборунун директору;
2010-2017 — Бишкек финансы-экономикалык академиясындагы фундаменталдык дисциплина департаментинин жетекчиси;
2013-2014 — Эл аралык Плато университетинин профессору;
2014-жылдын май айы — Казакстандын Абай атындагы улуттук педагогикалык университетинде математика, физика жана информатикадан сабак берүү методикасы кафедрасында чакыртылган профессор;
2013-2016 — Евразия университетинин профессору;
2017-2019 — Бишкек финансы-экономикалык академиясында профессор;
2019-2022 — Билим берүү жана илим министрлигинин алдындагы Кыргыз билим берүү академиясынын вице-президенти;
2022-жыл, март — Билим берүү жана илим министринин орун басары.
