Кар жаайт! Кыргызгидромет шашылыш билдирүү таратты

© Sputnik / Виталий Тимкив / Медиабанкка өтүүДарактын кар баскан жалбырактары. Архив
Дарактын кар баскан жалбырактары. Архив - Sputnik Кыргызстан, 1920, 15.03.2022
Жазылуу
НовостиTelegram
18-мартта кээ бир райондордо жаан-чачын катуу жаашы мүмкүн.
БИШКЕК, 15-мар. — Sputnik. 16-20-мартта Кыргызстандын көпчүлүк аймактарында мезгил-мезгили менен жаан-чачын, тоо этектеринде жана тоолуу райондордо кар жаайт. Бул тууралуу Кыргызгидромет билдирди.
16-мартта түнкүсүн Ош, Жалал-Абад, Ысык-Көл облустарынын айрым жерлеринде, 18-мартта кээ бир райондордо жаан-чачын катуу жаашы мүмкүн.
18-19-мартта Чүй, Талас облустарынын дыйканчылык аймактарында, Ош, Жалал-Абад, Баткен облустарынын тоо этектеринде жаан карга айланат.
Тоо этектеринде жана тоолуу райондордо жолдор тайгак жана тоңголок болуп, кар күрткүсү пайда болот. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
18-21-мартта абанын температурасы төмөндөп, Чүй өрөөнүндө түнкүсүн -1…-6, күндүз 0…5 градус болот.
Талас өрөөнүндө түнкүсүн -2…-7, күндүз -2…+3кө чейин жылуу болот.
Ош, Жалал-Абад, Баткен облустарында түнкүсүн -2…+3, күндүз 2…7, Ысык-Көл облусунун дыйканчылык аймактарында түнкүсүн -2…-7, күндүз 0…5 градус жылуу болот.
Нарын облусунун дыйканчылык аймактарында түнкүсүн -6…-11, күндүз -2…+3кө чейин, тоо этектеринде түнкүсүн -5…-10, күндүз 0…-5 градус болот. Тоолуу райондордо түнкүсүн -18…-23, күндүз -4…-9 градус суук болушу күтүлөт.
Мындай аба ырайы автоунаа, энергетика жана коммуналдык кызматтардын иши менен жайыттарда малды кармоону кыйындатат.
Бишкекте Нооруз майрамдоо учурунда. Архив - Sputnik Кыргызстан, 1920, 15.03.2022
Бишкекте Ноорузда өтө турган майрамдык программа жарыяланды
Бишкектин Ала-Тоо аянты. Архивдик сүрөт - Sputnik Кыргызстан, 1920, 13.03.2022
Күн жылыйбы? Алдыдагы аптага аба ырайы
Жаңылыктар түрмөгү
0