Сценарийди жаттатышты... Музыкант Рузахунов Алматыда кыйноого кабылганын моюндады

© Sputnik / Табылды КадырбековКыргызстандык музыкант Викрам Рузахунов
Кыргызстандык музыкант Викрам Рузахунов - Sputnik Кыргызстан, 1920, 10.02.2022
Жазылуу
Музыкант казакстандык укук коргоочулардын бири дагы анын ким экенин текшербестен кыйноого алганын белгиледи.
БИШКЕК, 10-фев. — Sputnik. Кыргызстандык музыкант Викрам Рузахунов Алматыда кармалганда ага карата күч колдонулганын билдирди.
Ал окуя кандайча болгонун өзүнүн Instagram баракчасына жарыялаган. Анын жазганына караганда, Рузахунов журналисттерге мындай маалыматка эч ким ишенбей турганын айткан.
"Эч себепсиз кармалган жүздөгөн бейкүнөө адамдардын ичинен так мени тандап алган кишиге рахмат айтам. Ал сценарийди жаттатып, камерага айтууга мажбурлаган. Дарыгерлердин баамы боюнча, мага аз эле калган. Себеби сынган кабыргалар өпкөнү жабыркатып койгон. Жүрөктү алсыратуу үчүн дагы эки сокку жетиштүү болмок…", — деди ал.
Рузахунов видео чыккандан кийин аны элдин баары таанып, резонанс жаралып, блогерлер, ЖМКлар жана укук коргоочулар жактап чыкканын билдирди. Музыкант анын мекенине кайтып келишине жардам берген бардык жарандарга жана КРдин бийлигине ыраазычылык айткан.
"Казакстандын укук коргоочуларынын бири дагы менин ким экенимди текшерген жок. Сурак учурунда дагы, кыйнап жатышканда дагы белгилүү музыкант экенимди, аты-жөнүмдү интернетке жазышса эле чыгарын айтып жаттым. Бирок укпастан шылдыңдашты…", — деди Рузахунов.

Кыргызстандык музыканттын кармалышы

Казакстандын Qazaqstan мамлекеттик телеканалы 9-январда митингдерге катышуу үчүн Кыргызстандан барды делген жарандын сурак берип жаткан видеосун жарыялаган. Ал белгисиз адамдар митингдерге катышуу үчүн 90 миң теңге сунуштап чакырып, самолётко билетин алып берип, батирге жайгаштырганын билдирген.
Көп өтпөй Кыргызстандын ИИМи аталган жаран музыкант Викрам Рузахунов экенин аныктап, анын Алматыга концерт койгону барганын маалымдады.
Ошол эле учурда кыргызстандыктар музыкантты террорчу катары көрсөткөнүнө нааразы болуп, аны бошотуу талабы менен Казакстандын Бишкектеги элчилигинин алдына митингге чыккан. Алар менен УКМК төрагасы Камчыбек Ташиев жолугуп мекендештердин укугу корголорун убадалаган.
Кийинчерээк ТИМ Рузахуновду бошотуу талабы менен Казакстанга нота тапшырган.
Андан кийин Казакстандын мамлекеттик телеканалдары Рузахуновго байланышкан видеолорун өчүргөн.
Ал арада Юстиция министрлиги кыргыз жаранынын кыйноого кабылганын болжоп Казакстандын күч түзүмдөрүнө кылмыш ишин козгоону Башкы прокуратурага демилгелеген.
Казакстандык вайнер жана актер Мейржан Туребаев. Архив - Sputnik Кыргызстан, 1920, 10.02.2022
Казакстанда финансы пирамидасын түзгөн. Вайнер Мейржан Туребаев шектелип жатат
Жаңылыктар түрмөгү
0