Полевые сборы военнослужащих Волгограда - Sputnik Кыргызстан, 1920, 28.01.2022
Кыргыз-тажик чек арасындагы жаңжал, 2022-жылдын январы

Жоготуулар бар. Кыргызстан Тажикстанды чагымчылдыкка айыптады

© Sputnik / Виктор Толочко / Медиабанкка өтүүАскерлер машыгуу учурунда. Архив
Аскерлер машыгуу учурунда. Архив - Sputnik Кыргызстан, 1920, 28.01.2022
Жазылуу
Кыргыз тарап бул окуянын жоопкерчилиги толугу менен Тажикстандын УКМК жетекчилигине жүктөлөрүн белгиледи.
БИШКЕК, 27-янв. — Sputnik. УКМКнын Чек ара кызматы кыргыз-тажик чегинде жасалып жаткан Тажикстандын аракеттери тууралуу билдирүү жасады.
Кыргыз тарап чек арадагы кырдаалдын курчуп жатканына өзгөчө тынчсызданып жатканын айтууда. Соңку убакта кыргыз тарап мамлекеттик чек арада чагымчылдык көбөйгөнүн белгилейт. Ошол эле учурда тажик бийлиги кырдаалды турукташтыруу үчүн эч кандай чара көрбөгөнү айтылды.

"Анысы аз келгенсип жаңжалды ырбатууга салым кошту. Буга 27-январда Баткен — Исфана жолунун Төрт-Көчө тилкесин Тажикстандын жарандарынын тосуп алышы мисал боло алат. Эки мамлекеттин чек ара өкүлдөрүнүн сүйлөшүүлөрүнүн натыйжасында окуя жөнгө салынып, Тажикстандын жарандары жолду ачкан. Бирок тажик чек арачылары Кыргызстандын аскерлерине биринчилерден болуп ок атты", — деп айтылат маалыматта.

КР УКМКнын Чек ара кызматы бул окуя провокация экенин, анын жоопкерчилиги толугу менен Тажикстандын УКМК жетекчилигине жүктөлөрүн билдирет.
"Тажик тарап атайын чагым жасап, мунун кесепетинен эки тараптан тең жоготууларга алып келген жаңжал жана кагылышуулар болду. Ошол эле учурда Тажикстан учкучсуз учуучу аппараттарды колдонуу тууралуу маалыматты бурмалап жатат. Дал ушул тажик чек арачылары жакында эле Кыргызстандын аймагында чалгындоо максатында учкучсуз учактарды колдонгон. Бул маалымат Тажикстан УКМКсынын жетекчилигине жеткирилген", — деп билдирди Чек ара кызматы.
Ошондой эле Чек ара кызматы Тажикстан Афганистан менен чек арасын бекемдөөнүн ордуна Кыргызстан менен жаңжалдашып жатканына кабатырланды.

"Террористтик уюмдардын 8 000 миңдей согушкери топтолгону байкалып жаткан тажик-афган чек ара тилкелерин бекемдөөнүн ордуна Тажикстан кыргыз-тажик чек арасында чыр-чатакты күчөтүүгө бел байлап жатканы өзгөчө тынчсыздандырат", — деп айтылат маалыматта.

Чек ара кызматы тажик тарапты атышууну токтотуп, көйгөйлүү маселелерди стол үстүндө сүйлөшүү менен жөнгө салууга чакырат.
Пилотсуз учкуч. Архив - Sputnik Кыргызстан, 1920, 28.01.2022
Кыргыз-тажик чек арасындагы жаңжал, 2022-жылдын январы
Чек ара кызматы: Тажикстан пилотсуз учактар боюнча маалыматты бурмалады
Ооруканада жайгаштырылган жарандар. Архив - Sputnik Кыргызстан, 1920, 28.01.2022
Спорт залга төшөк салган тургундар. Баткенде эвакуациялангандардын видеосу
Жаңылыктар түрмөгү
0