https://sputnik.kg/20220128/batken-chek-ara-kyzmaty-pilotsuz-uchkuchtar-1061614430.html
Чек ара кызматы: Тажикстан пилотсуз учактар боюнча маалыматты бурмалады
Чек ара кызматы: Тажикстан пилотсуз учактар боюнча маалыматты бурмалады
Sputnik Кыргызстан
Буга чейин коңшу өлкөнүн УКМКсы Кыргызстан чек ара жаңжалында учкучсуз аппараттарды колдонуп, Тажикстандын аба мейкиндигин бузганын айтып чыккан. 28.01.2022, Sputnik Кыргызстан
2022-01-28T02:31+0600
2022-01-28T02:31+0600
2022-01-28T14:57+0600
кыргызстан
кыргыз-тажик чек арасындагы жаңжал, 2022-жылдын январы
тажикстан
чыр-чатак
чек ара
учкучсуз аппараттар
https://sputnik.kg/img/07e5/0c/12/1060492449_0:84:2672:1587_1920x0_80_0_0_14463a989b961356e2d3e84606e47347.jpg
БИШКЕК, 28-янв. — Sputnik. Тажикстан пилотсуз учуучу аппараттарды колдонуу боюнча маалыматты бурмалоодо. Бул тууралуу УКМКнын Чек ара кызматы кабарлады.Эске салсак, буга чейин коңшу өлкөнүн УКМКсы Кыргызстан чек ара жаңжалында учкучсуз аппараттарды колдонуп, Тажикстандын аба мейкиндигин бузганын айтып чыккан.Кыргызстандын чек ара кызматы маалыматты төгүндөдү. Билдирмеге караганда, дал ушул тажик чек арачылары жакында эле Кыргызстандын аймагында чалгындоо иштерин жүргүзүү максатында пилотсуз учактарды колдонгон. Бул тууралуу Тажикстандын УКМК жетекчилигине жеткирилгени белгиленди.Чек ара кызматы тажик тарап Кыргызстан менен чектешкен жерге аскердик техника, курал-жарак, күч жана башка каражаттарын тартып жатканын кошумчалаган.Маалыматта Тажикстан террордук уюмдун миңдеген согушкери топтолгону байкалган тажик-афган чек арасын бекемдөөнүн ордуна кыргыз-тажик чек арасындагы чыр-чатакты күчөтүүгө белсенгени тынчсыздандырып жатканы белгиленет.УКМКнын Чек ара кызматы Тажикстанды атышууну токтотуп, көйгөйлүү маселелерди отуруп чечишүүгө чакырды.Белгилей кетсек, былтыр Чек ара кызматынын техникасы Түркиядан чыккан "Байрактар" учкучсуз аппараты менен толукталган.Чек арадагы жаңжалдын чоо-жайыЧек ара кызматынын маалыматына караганда, 27-январь күнү саат 17:50лөр чамасында Төрт-Көчө аймагына тажик жарандары оор жүк ташуучу унаага таш жүктөп келишкен. Алар таштарды Баткен — Исфана автожолуна түшүрүп жолду жабышкан жана Тажикстандын чек арачыларынын коштоосунда жүрүшкөн. Эки өлкөнүн чек ара өкүлдөрүнүн жолугушуусунун жыйынтыгында жол каттамы ачылган. Кырдаалды жөнгө салуу аракетине карабастан тажик тарап чек аранын башка аймагында, тактап айтканда, Чыр-Дөбө жерлигинде Кыргызстандын аскер кызматкерлерин көздөй миномёт жана гранатомёттордон ок чыгарышкан. Андан кийин тажик чек арачылары Төрт-Көчө жерлигинде Кыргызстандын аскер кызматкерлерин көздөй ок атышкан. Чек ара кызматы Тажикстандын аскер кызматкерлеринин аракеттери жеринен координацияланганы, алардын бул чагымчылдык аракетке мурдатан даярдык көргөнү байкалганын белгиледи.Алардын миномёт колдонушу чек ара аскерлеринин штаттык комплектисине кирбейт. Бул Тажикстандын Чек ара кызматы Куралдуу күчтөрдүн күчүн жана каражаттарын колдонгонун көрсөтүп турары кошумчаланды.Ал эми тажик тарап Сомониён айылынан жамаат Чоркухка бара жаткан тажикстандыктардын машинасын таш менен ургулашкандыктан чуу чыкканын айтууда.
https://sputnik.kg/20220128/batkende-ehki-ajmakta-ok-atyshuu-ulanuuda-1061612684.html
https://sputnik.kg/20220128/batken-chek-ara-koopsuz-zhakka-kochkondor-video-1061611944.html
тажикстан
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, тажикстан, чыр-чатак, чек ара, учкучсуз аппараттар
кыргызстан, тажикстан, чыр-чатак, чек ара, учкучсуз аппараттар
Чек ара кызматы: Тажикстан пилотсуз учактар боюнча маалыматты бурмалады
02:31 28.01.2022 (Жаңыртылды: 14:57 28.01.2022) Буга чейин коңшу өлкөнүн УКМКсы Кыргызстан чек ара жаңжалында учкучсуз аппараттарды колдонуп, Тажикстандын аба мейкиндигин бузганын айтып чыккан.
БИШКЕК, 28-янв. — Sputnik. Тажикстан пилотсуз учуучу аппараттарды колдонуу боюнча маалыматты бурмалоодо. Бул тууралуу УКМКнын Чек ара кызматы кабарлады.
Эске салсак, буга чейин коңшу өлкөнүн УКМКсы Кыргызстан чек ара жаңжалында учкучсуз аппараттарды колдонуп, Тажикстандын аба мейкиндигин бузганын айтып чыккан.
Кыргызстандын чек ара кызматы маалыматты төгүндөдү. Билдирмеге караганда, дал ушул тажик чек арачылары жакында эле Кыргызстандын аймагында чалгындоо иштерин жүргүзүү максатында пилотсуз учактарды колдонгон. Бул тууралуу Тажикстандын УКМК жетекчилигине жеткирилгени белгиленди.
Чек ара кызматы тажик тарап Кыргызстан менен чектешкен жерге аскердик техника, курал-жарак, күч жана башка каражаттарын тартып жатканын кошумчалаган.
Маалыматта Тажикстан террордук уюмдун миңдеген согушкери топтолгону байкалган тажик-афган чек арасын бекемдөөнүн ордуна кыргыз-тажик чек арасындагы чыр-чатакты күчөтүүгө белсенгени тынчсыздандырып жатканы белгиленет.
УКМКнын Чек ара кызматы Тажикстанды атышууну токтотуп, көйгөйлүү маселелерди отуруп чечишүүгө чакырды.
Белгилей кетсек, былтыр Чек ара кызматынын техникасы Түркиядан чыккан "Байрактар" учкучсуз аппараты менен толукталган.
Чек арадагы жаңжалдын чоо-жайы
Чек ара кызматынын маалыматына караганда, 27-январь күнү саат 17:50лөр чамасында Төрт-Көчө аймагына тажик жарандары оор жүк ташуучу унаага таш жүктөп келишкен. Алар таштарды Баткен — Исфана автожолуна түшүрүп жолду жабышкан жана Тажикстандын чек арачыларынын коштоосунда жүрүшкөн. Эки өлкөнүн чек ара өкүлдөрүнүн жолугушуусунун жыйынтыгында жол каттамы ачылган. Кырдаалды жөнгө салуу аракетине карабастан тажик тарап чек аранын башка аймагында, тактап айтканда, Чыр-Дөбө жерлигинде Кыргызстандын аскер кызматкерлерин көздөй миномёт жана гранатомёттордон ок чыгарышкан. Андан кийин тажик чек арачылары Төрт-Көчө жерлигинде Кыргызстандын аскер кызматкерлерин көздөй ок атышкан. Чек ара кызматы Тажикстандын аскер кызматкерлеринин аракеттери жеринен координацияланганы, алардын бул чагымчылдык аракетке мурдатан даярдык көргөнү байкалганын белгиледи.
Алардын миномёт колдонушу чек ара аскерлеринин штаттык комплектисине кирбейт. Бул Тажикстандын Чек ара кызматы Куралдуу күчтөрдүн күчүн жана каражаттарын колдонгонун көрсөтүп турары кошумчаланды.
Ал эми тажик тарап Сомониён айылынан жамаат Чоркухка бара жаткан тажикстандыктардын машинасын таш менен ургулашкандыктан чуу чыкканын айтууда.
