Бир үйүр жылкы, эки унаа. Ош мэри Алмаз Мамбетовдун эмне байлыгы бар

Ош мэри Алмаз Мамбетов. Архив - Sputnik Кыргызстан, 1920, 09.12.2021
Жазылуу
Yandex newsTelegram
Калаа башчысы былтыр 174 миң сом иштеп тапкан, чыгашасы тууралуу жазган эмес. Өзүнө таандык бир да турак жайы жок.
БИШКЕК, 9-дек. — Sputnik. Салык кызматы Ош шаарынын мэри Алмаз Мамбетовдун 2020-жылга карата киреше-чыгашасы тууралуу тапшырган декларациясын жарыялады.
Калаа башчысы былтыр 174 миң сом иштеп тапкан, чыгашасы тууралуу жазган эмес. Chevrolet Avalanche жана Mercedes-Benz 350 үлгүсүндөгү эки автоунаасы бар. Ал эми кармаган жылкылары 2 миллион 450 миң сомго бааланат. Өзүнө таандык турак жай жок.
Ал эми жакын туугандарынын атында бир нече мүлк катталган. Алар төмөнкүлөр:
  • Турак жай — аянты 160,8 чарчы метр;
  • Гараж — аянты 19,8 чарчы метр;
  • Жер тилке — 10 сотых;
  • Жер тилке — 40 сотых;
  • Айыл чарба багытындагы жер тилке — 5 гектар;
  • Volkswagen Golf үлгүсүндөгү унаа;
  • ОДАЗ чиркегичи.
Мэрдин жакын туугандары бир жылда 617 миң сом иштеп тапкан.
Алмаз Мамбетов былтыр октябрь окуясынан кийин КР президенти жана өкмөтүнүн иш башкармалыгынын башчысы болуп дайындалган. Андан кийин мэрлик кызматка которулуп, 2021-жылдын июль айынан бери Ош шаарын башкарып келет.
Жаңылыктар түрмөгү
0