Спортчу Мамашов АСА мелдешинде UFC уюмунун экс-мушкери менен беттешет

© Sputnik / Табылды КадырбековКыргызстандык спортчусу Алтынбек Мамашов. Архив
Кыргызстандык спортчусу Алтынбек Мамашов. Архив - Sputnik Кыргызстан, 1920, 24.09.2021
Жазылуу
Кыргызстандык атлет аталган лигадагы акыркы үч беттешинин экөөсүн утуп, бирөөндө жеңилген. Ал эми атаандашы акыркы үч кармашынын баарында утулган.

БИШКЕК, 24-сен. — Sputnik. Absolute Championship Akhmat (ACA) мушкерлер лигасынын кыргызстандык спортчусу Алтынбек Мамашов кезектеги беттешинде UFC уюмунун экс-мушкери, бразилиялык Элиас Сильверио менен таймашат. Бул тууралуу аталган уюм Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Беттеш 4-октябрда Чеченстандын борбору Грозный шаарында өтөт.

"Кыргызстандык мушкер беттештеринин дээрлик 100 пайызын мөөнөтүнөн мурда жеңип келет. Ал турсун АСА124 мелдешинде бонус алууга да жетишти. Чеченстанда өтүүчү юбилейлик мелдеште ал бразилиялык Элиас Сильверио менен беттешип, түштүк африкалык Марк Хульмдун ордуна чыгат", — деп айтылат билдирүүдө.

Кыргызстандык UFC мушкери Рафаэль Физиевдин америкалык Бобби Грин менен таймашта. Архив - Sputnik Кыргызстан, 1920, 09.09.2021
Физиевдин акыркы таймашы август айындагы мыкты кармаш болду
Кыргызстандык мушкер ММА спортунда 16 беттешке чыгып, 14 учурунда атаандашын уткан. Бир жолу жеңилип, дагы бир кармашта тең чыккан. Мамашовдун атаандашын эстен тандырган соккусу Absolute Championship Akhmat лигасынын 2021-жылдын жарым жылдагы мыкты нокауту деп табылган.

Кыргыз мушкери аталган уюмда акыркы үч беттешинин экөөсүн утуп, бирөөндө жеңилген.

Ал эми анын атаандашы Сильверио 2013-2015-жылдары Ultimate Fighting Championship (UFC) уюмунда беттештерди өткөргөн. Ал ММА спортунда жалпысынан 24 кармаш өткөрүп, 16 учурунда атаандашын уткан. Жети ирет жеңилген. Бразилиялык атлет АСА уюмундагы акыркы үч беттешинин баарында жеңилүү ызасын тарткан.

 

Жаңылыктар түрмөгү
0