БИШКЕК, 21-авг. — Sputnik. Бишкектин четиндеги Лебединовка айылында маршрутка менен жеңил унаа кагышкан жол кырсыгы катталды. Бул тууралуу Sputnik агенттигине окуяга күбө болгон адам билдирген.
"Ичи толгон №258 маршрутка "Фрунзе" гипермаркетинин тушунан Mercedes Benz менен кагышты. Микроавтобустан жүргүнчүлөрдү алып чыктык", — деди ал.
ЖКККББ азырынча маалымат бере элек.
Ал арада интернетте окуя болгон жерден тартылган видеолор тарап жатат. Кадрларда бустун капталына оодарылып калганын, жеңил унаа талкаланганын көрүүгө болот.
