Вакцинанын баары "индия" штаммына каршы тура алат. ДССУнун билдирүүсү

© Sputnik / Кирилл Брага / Фотобанкка өтүүCOVID-19га каршы эмдөөдөн өтүп жаткан адам
COVID-19га каршы эмдөөдөн өтүп жаткан адам - Sputnik Кыргызстан, 1920, 22.06.2021
Жазылуу
Дүйнөлүк саламаттык сактоо уюмунун өкүлү коронавирустан вакцинанын эки дозасы тең болгондо коргонууга мүмкүнчүлүк жараларын айтып, биринчисин алгандарды экинчисин кошо сайдырууга чакырды.
БИШКЕК, 22-июн. — Sputnik. COVID-19га каршы чыгарылган вакцинанын кайсы түрү болбосун, эки дозасын тең алса индиялык "дельта" штаммынан коргой алат. Мындай маалыматты РИА Новости Дүйнөлүк саламаттык сактоо уюмунун (ДССУ) Чукул оорулар боюнча бөлүмдүн техникалык тобунун башчысы Мария Ван Керкховеге шилтеме кылып жазды.
"Вакциналардын майнаптуулугуна келе турган болсок, бизди кооптондуруп жаткандарын, анын ичинен "дельтаны" кошкондо да бардык оорулар менен өлүмгө каршы туруп, натыйжалуу боло алат. Андыктан бул жакшы белги десек болот", — деген Вон Керкхове брифингде маалымат берип жатып.
Ал башкысы кайсы вакцина болбосун эки дозасын тең сайдырыш керектигин айтып, биринчисин баштагандан кийин экинчисин таштап койбой, бир нече күндөн кийин сайдырууга кеңеш берген.
ДССУ өкүлү азырынча "дельта" өлүмгө алып келгенин тастыктаган факт жок экендигин билдирди. Анын айтымына караганда, өзү иштеген уюмда мындай акыркы бүтүмдү жасоого маалыматтар жетиштүү.
COVID-19 эмдөө пунктунда адамдар - Sputnik Кыргызстан, 1920, 22.06.2021
Өспүрүмдөр COVID-19га каршы эмделиши керек. Себебин адис түшүндүрдү
"Шотландияда жасалган бир изилдөөдө ооруканага жаткыруу зарылдыгы жаралган кооптуулук болгонун билебиз. Бирок бул бир эле мамлекетте жасалган алдын ала изилдөө, кийинки кесепети менен кооптуулугун аныкташ үчүн муну дагы иликтөө керек", — деген ал.
Коронавирустун "индиялык" штаммы өткөн жылы пайда болгон. Адистер "дельта" деп атаган түрү илдеттин жеңил белгилеринен оор түрүнө тез өтүшү менен кооптуу экендигин айтышууда. Мындай "кадамы" менен адамдын организмине өзүнүн антителосун пайда кылган убактысын кыскартарын кошумчалайт дешкен. Өткөн аптада ДССУ "дельта" дүйнөнүн 80 өлкөсүнө тарап кеткендигин жана мутация болуп бараткандыгын билдирген.
Гамалея атындагы эпидемиология жана микробиология илим-изилдөө институтунун директору Александр Гинцбург "Спутник V" вакцинасы берген антителонун запасы бүгүнкү күндөгү бардык штаммдардан сактоого жетишерин белгилеген.
Жаңылыктар түрмөгү
0
Алгач жаңыларыАлгач эскилери
loader