Лебединовкада уурдалган 25 жаштагы кызды милиция издөөдө. Видео

© Sputnik / Максим Блинов / Медиабанкка өтүүКөчөдө бараткан кыз. Архив
Көчөдө бараткан кыз. Архив - Sputnik Кыргызстан, 1920, 06.05.2021
Жазылуу
Sputnik Кыргызстан агенттигинин кабарчысы уурдалган кыздын жакындарынын бири менен байланышты. Алардын айтымында, К.И. азыркыга чейин табыла элек.
БИШКЕК, 6-май — Sputnik. Аламүдүн районунун Лебединовка айылында 25 жаштагы кыз уурдалды. Бул тууралуу Чүй ОИИБдин маалымат кызматы кабарлады.
Кызды уурдап бараткан учурдун видеосу Sputnik Кыргызстан агенттигинин Telegram каналына жарыяланды.
"6-май күнү түнкү саат 02:00дө Аламүдүн райондук ички иштер башкармалыгынын нөөмөт бөлүмүнө 19 жаштагы кыздын арызы келип түшкөн. Анын айтымында, 5-май күнү 23:00дө Лебединовка айылындагы супермаркеттердин биринин жанынан белгисиз адамдар 25 жаштагы эжесин уурдап, Toyota Estima үлгүсүндөгү автоунаага салып кетишкен", — деп айтылат маалыматта.
Аталган факт бирдиктүү реестрге катталып, сотко чейин териштирүү иштери башталган. Ыкчам-издөө иштеринин натыйжасында кызды уурдаган баланын ким экени такталган. Азыркы тапта милиция ал кишинин жашаган жерине чыгып кеткени айтылды.
Уурдалып, андан кийин киши колдуу болгон Айзада Канатбекова. Архив - Sputnik Кыргызстан, 1920, 30.04.2021
Айзада Канатбекованын иши иликтенип бүтүп, сотко жиберилди
Sputnik Кыргызстан агенттигинин кабарчысы уурдалган кыздын жакындарынын бири менен байланышты. Алардын айтымында, К.И. азыркыга чейин табыла элек.
"Кызыбыз кайсы жакта экенин билбейбиз. Бирок баланын туугандары келип "кызыңар отурат" деп жатат. Ага ата-энеси көнбөй, кызы менен байланыштырууну суранышууда. Уурдаган бала менен кызыбыз кайсы жакта экени бизге белгисиз", — деди кыздын жакыны.
Милиция кийинчерээк кошумча маалымат бере турганын белгиледи.
Жаңылыктар түрмөгү
0