Финпол авиабилеттин баасы негизсиз кымбаттаганын аныктап, териштире баштады

© Sputnik / Павел Львов / Медиабанкка өтүүАэропорттогу жүргүнчү. Архив
Аэропорттогу жүргүнчү. Архив - Sputnik Кыргызстан
Жазылуу
Финполдун кызматкерлери борбор калаадан Бишкек — Москва багыты боюнча 67 800 сомго авиабилет сатып алышкан.
БИШКЕК, 25-янв. — Sputnik. Финансы полициясы авиабилеттердин баасын негизсиз кымбаттаткан фактыларды аныктоо иштерин жүргүзүп баштады. Бул туурасында аталган органдын маалымат кызматы билдирди.
Аэропорттогу учак. Архив - Sputnik Кыргызстан
Кыргызстан Россияга авиабилетти арзандатып, рейстерди көбөйтүүгө аракет жасайт
Текшерүүнүн алкагында Финполдун кызматкерлери борбор калаадагы авиакассалардын биринен кызматтык иликтөө жасаш үчүн  Бишкек — Москва багыты боюнча 67 800 сомго авиабилет сатып алышкан. Жыйынтыгында билет баасы туроператор тарабынан жасалма жол менен көтөрүлгөндүгү аныкталган. Алар суроо-талаптын жогору болушунан пайдаланып, авиабилеттердин баасын мыйзамсыз түрдө кымбаттатканы айтылат.
Бул факт Кылмыш жана жоруктардын бирдиктүү реестрине катталып, сотко чейинки өндүрүш ачылды. Азыркы тапта республика боюнча ушул сыяктуу фактыларды аныктоо иштери жүрүп жатканы белгиленет.
Жаңылыктар түрмөгү
0