БИШКЕК, 3-дек. — Sputnik. Өткөн суткада коронавирустан төрт киши каза тапты. Бул тууралуу Республикалык штаб маалымдады.
Билдирүүгө ылайык, көз жумгандардын үчөө Бишкек шаарынын, бирөө Ош облусунун тургуну болгон.
Ушуну менен көз жумгандардын жалпы саны 1 281ге жетти.
Азыркы тапта ооруканада 2 689 бейтап дарыланып жатат. Анын ичинен 120 бейтаптын абалы өтө оор деп бааланууда.
Ооруканада жаткандар:
- 37 — канааттандырарлык абалда;
- 1 809 — орточо оор;
- 725 — оор;
- 120 — өтө оор абалда.
Ал эми 3 570 бейтаптын медициналык жардамды үйлөрүнөн алып жатканы маалым болду.
