Аида Исмаилова ШКУ форумуна катышты. Эмне тууралуу сүйлөдү
Аида Исмаилова ШКУ форумуна катышты. Эмне тууралуу сүйлөдү
Sputnik Кыргызстан
Иш-чара COVID-19 эпидемиясына каршы күрөштө саламаттыкты сактоо деңгээлин жогорулатууда ШКУ өлкөлөрүнүн салттуу медицинасынын жетишкендиктерин аныктоо... 31.07.2020, Sputnik Кыргызстан
Иш-чара COVID-19 эпидемиясына каршы күрөштө саламаттыкты сактоо деңгээлин жогорулатууда ШКУ өлкөлөрүнүн салттуу медицинасынын жетишкендиктерин аныктоо максатында өттү.
БИШКЕК, 31-июн. — Sputnik. Вице-премьер Аида Исмаилова Шанхай кызматташтык уюмунун (ШКУ) "COVID-19 эпидемиясына каршы биргелешкен күрөштө салттуу медицинанын уникалдуу ролу" темасындагы форумга катышты. Бул тууралуу өкмөттүн маалымат кызматынан билдиришти.
Вице-премьер Аида Исмаилова Шанхай кызматташтык уюмунун (ШКУ) "COVID-19 эпидемиясына каршы биргелешкен күрөштө салттуу медицинанын уникалдуу ролу" темасындагы форумга катышты
Вице-премьер Аида Исмаилова Шанхай кызматташтык уюмунун (ШКУ) "COVID-19 эпидемиясына каршы биргелешкен күрөштө салттуу медицинанын уникалдуу ролу" темасындагы форумга катышты
Анда вице-премьер уюм алкагында саясий диалогду чыңдоо, соода-экономикалык кызматташтыкты өнүктүрүү менен саламаттыкты сактоо жаатында ишти активдештирүү зарыл экенин айткан.
"ШКУга мүчө-мамлекеттердин жалпы адамзатка чакырык таштаган коронавирус пандемиясына каршы күч-аракетин бириктирүү зарыл. Ушул татаал учурда биз ШКУнун негизги принциптеринин кынтыксыз аткарылышына колдоо көрсөтүшүбүз керек. Биз эпидемия коркунучтарына каршы биргелешип күрөшөбүз", — деген Исмаилова.
Иш-чара ШКУга мүчө-мамлекеттердин башчылар кеңешинин XIX кеңешмесинде кабыл алынган саламаттык сактоо жаатындагы кызматташтыкты күчтөндүрүү тууралуу консенсусту ишке ашырууну көздөгөн. Калктын ден соолугун коргоону жакшыртуу, өзгөчө COVID-19 эпидемиясына каршы күрөштө саламаттыкты сактоо деңгээлин жогорулатууда ШКУ өлкөлөрүнүн салттуу медицинасынын жетишкендиктерин аныктоо максатында өтүүдө.
