Исмаилова: эмдиги жумада балдар онкологиясына зарыл болгон дарылар келет

© Sputnik / Табылды КадырбековКыргызстандын вице-премьер министри Аида Исмаилова. Архив
Кыргызстандын вице-премьер министри Аида Исмаилова. Архив - Sputnik Кыргызстан
Жазылуу
Онкологиялык ооруга чалдыккан балдардын ата-энелери менен болгон онлайн-брифингде вице-премьерге химиотерапия үчүн дарылардын жетишсиздиги айтылды.

БИШКЕК, 29-июл. — Sputnik. Келерки аптада Кыргызстанга онкологиялык оорусу бар балдар үчүн зарыл дары-дармектер, анын ичинде учурда өлкөнүн дарыканаларында жок препараттар алып келинет. Бул тууралуу вице-премьер Аида Исмаилова Sputnik Кыргызстан агенттигинин мультимедиалык маалымат борборунда өткөн онлайн-брифингде айтты.

Иш-чарада Исмаиловага химиотерапия үчүн дары жетишсиздиги тууралуу суроо берилген. Онкологиялык оорулуу балдардын ата-энелери өкмөттү коронавирустан башка сыркоолорго да көңүл бурууга чакырды.

Россия жиберген меджабдуу, дары-дармек тапшырылды. Видео

"Келерки аптада Кыргызстанга балдардын онкология бөлүмүнө зарыл болгон бардык дарылар келет. Анын ичинде учурда биздин дарыканаларда жок болуп жаткан винкристин жана этопозид да бар. Балдарды дары менен камсыздоо маселеси чечилет", — деди вице-премьер.

Исмаилова бул дарылардын Кыргызстанга келишинин кечеңдеп жаткан себебин түшүндүрүп кетти.

"Тендерлер өткөрүлгөн, бирок дары каражаттарын жеткирүүдө кыйынчылыктар болгон. Кыргызстан дары-дармектерди чет өлкөлөрдөн, Россия, Кытай, Индиядан сатып алат. Азыркы учурда бул көйгөйлөрдүн баары чечилген", — деди Исмаилова.

Мамлекет онкологиялык оорулуулар үчүн 160 миллион сом бөлгөнүн вице-премьер эске салды.

Ош облусунун бийлиги 6 айга жетерлик дарынын запасы камдалганын айтты

"Бул каражаттын 100 миллиону чоңдор бөлүмүнө, 60 миллион сому балдар ооруканасына болүнгөн. 60 миллион сомдун 6 миллиону Оштогу балдар онкологиясын колдоого багытталган", — деп белгиледи ал.

Исмаилова калган каражат Онкология жана гематология улуттук борборунун балдар бөлүмүнө медициналык буюмдарды, жабдууларды жана дары-дармектерди сатып алууга жумшаларын кошумчалады.

Жаңылыктар түрмөгү
0