БИШКЕК, 1-июл. — Sputnik. Коронавирус менен күрөштү күчөтүү үчүн борбор калаада коомдук транспорттун иштөө тартиби өзгөрдү. Бул тууралуу брифинг учурунда калаа башчысы Азиз Суракматов билдирди.
ДССУ Кыргызстанды коронавирус күчөп бараткан өлкөлөрдүн катарына кошту
Анын айтымында, троллейбус, автобус жана маршруттук таксилер иш күндөрү 07.00дөн 10.00гө чейин жана 17.00дөн 21.00гө чейин иштейт. Ал эми ишемби жана жекшемби күндөрү такыр жумушка чыгышпайт.
Калаа башчысы Бишкектеги Ленин жана Октябрь райондорунда ооруга чалдыккандар көп экендигин айтып, алардын жетекчилерине тийиштүү тапшырмалар берилип жатканын белгиледи.
Бүгүнкү күндө Бишкек шаарында коронавирус жуктургандардын жалпы саны 2 392ге, Чүй облусунда 1 047ге жетти. Азыркы тапта ушул эки аймакта эпидемиологиялык абал күндөн-күнгө оорлошуп жатат.
