БИШКЕК, 15-апр. — Sputnik. Жонс Хопкинс атындагы университеттин Системалуу изилдөө жана инжиниринг борборунун сайтындагы маалыматка таянсак, дүйнө жүзү боюнча коронавирус жуктургандардын саны 2 миллион 984 миң адамдан ашып кетти.
Ал эми өлгөндөр 128 071 болсо, айыгып кеткендердин саны 501 206 адамды түзгөн.
Кыргызстандын коңшулары Казакстанда - 1 290, Өзбекстанда - 1 275 адамга жетти. Кыргызстанда коронавирус жуктуруп алгандардын саны бүгүн 449 адам деп айтылды.
Бүгүнкү статистика боюнча эң аз саны Йеменде катталды, бул өлкөдө коронавирус бир кишиге жуккан.
Өлүм кайсы өлкөдө көп?
Коронавирустан жарандары эң көп каза тапкан мамлекеттер учурда Италия - 21 067, Испания - 18 579, Франция - 15 729, Улуу Британия - 12 868 болууда. Алардан кийинки орунда АКШ турат. Аларда көз жумгандардын саны 7 905 адамга жетти.
Кыргызстанда учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
