Мурдагы президент Алмазбек Атамбаевдин Кой-Таштагы үйүндө өрт чыкты. Бул тууралуу жеринен кабарчыбыз билдирди.
Анын айтымында, Атамбаевдин үйүнүн короосундагы кургак чөп менен камыш күйүп жатат.
"Өрт болжол менен короонун 20 пайызына жайылды. Жалын жакын тургун үйлөргө да жакындап баратат", — деди кабарчыбыз.
Бүгүн, 7-августта, мурдагы президент Алмазбек Атамбаевдин Кой-Таштагы үйүнө атайын кызматтын аскерлери бастырып киришкен. Операция учурунда ок атылып, бир нече киши жаракат алган. Алардын айрымдары ооруканага жеткирилген. УКМК элге карата желим ок чыгарылганын билдирди.
Ал ортодо депутат Ирина Карамушкина Алмазбек Атамбаевдин учурда кайда экенин айтты.
Азыр Кой-Ташта эмне болуп жатканын тексттик трансляциядан окуңуздар.
