Бекболотова: почтадан акча эң көп Россия жана Казакстандан которулат
Почта аркылуу акча эң көп Россия жана Казакстандан которулат. Бул тууралуу Рахат Бекболотова Sputnik Кыргызстан радиосунун таңкы эфиринде маек куруп жатып билдирди.
Анын айтымында, калган өлкөлөрдөн которулган акчанын көлөмү аз.
"Акча которуу кызматын пайдалангандардын эки пайызы почта кызматын колдонушат. Каражат жиберген өлкөлөрдүн сап башында Россия жана Казакстан турат. Ал эми калган мамлекеттерден которулган акчанын көлөмү аз. Негизи акча которууда чектелген сумма Россиядан 100 миң рубль, Казакстандан 1000 доллар, Белоруссиядан 500 еврону түзөт", — деди Бекболотова.
Ал "Кыргыз почтасы" мамлекеттик ишканасынын каржы кызмат бөлүмүндө 9 кызматкер эмгектенерин кошумчалады.
