Радиостудия Sputnik Кыргызстан в Бишкеке - Sputnik Кыргызстан
Радио

Сарыбаев: тамеки чеккендер инфаркт оорусуна көп чалдыгат

© Sputnik / Табылды КадырбековКардиолог, профессор Акбай Сарыбаев
Кардиолог, профессор Акбай Сарыбаев - Sputnik Кыргызстан
Жазылуу
Yandex newsTelegram
Саламаттык сактоо министрлигинин башкы кардиологу, профессор Акбай Сарыбаев канда холестериндин өлчөмү көбөйгөн учурда ал жүрөктүн иштөө ритмин бузуп, чоң көйгөлөргө алып келерин айтты.
Сарыбаев: тамеки чеккендер инфаркт оорусуна көп чалдыгат

Инфаркт оорусу жүрөк-кан тамыр ооруларына байланышкан дарттын арасынан эң кооптуусу болуп эсептелет. Бул тууралуу Акбай Сарыбаев Sputnik Кыргызстан радиосунун эфиринде маек куруп жатып билдирди.

Анын айтымында, жүрөктөгү кан тамырларда тромб пайда болуп, булчуңдарга кан жетпей, алардын өлүмтүк абалга кептелиши инфаркт же болбосо булчуңдардын некрозу деп аталат.

"Миокард инфаркты — адам өлүмүнүн негизги себептеринин бири. Бул учурда канда ашыкча холестериндин өлчөмү топтолуп, жүрөктүн кан тамырларында тромб пайда болот. Анын кесепетинен кан уюп топтолуп калат дагы булчуңдар алсыз, өлүмтүк абалга тушугат. Медициналык терминде ал — булчуңдардын некрозу деп аталат. Инфаркттын келип чыгуу себептери көп. Алардын негизгилери майлуу тамак, аз кыймылдоо жана тамеки чегүү болуп эсептелет. Тамеки чеккен адам чылым чекпеген адамга салыштырмалуу инфаркт оорусуна үч эсеге көп чалдыгат", — деди Сарыбаев.

Ошондой эле кардиолог инфаркт оорусуна тубаса жакындыгы бар адамдар дагы көп кабыла тургандыгын кошумчалады.

Жаңылыктар түрмөгү
0