БИШКЕК, 18-окт. — Sputnik. Тышкы иштер министри Чыңгыз Айдарбеков Россиянын Кыргызстандагы элчиси Андрей Крутько менен жолукканын аталган министрликтин маалымат кызматы билдирди.
17 Тогуздун айы 2018, 16:41
Элчи жаңы министрди кызматка дайындалышы менен куттуктап, ийгилик каалады.
Тараптар Кыргызстан менен Россиянын кызматташтыгынын учурдагы абалы жана келечеги тууралуу пикир алмашып, пландалып жаткан жогорку деңгээлдеги сапарларды жана иш-чараларды талкуулашты.
Эскерте кетсек, Айдарбеков президент Сооронбай Жээнбековдун Жарлыгы менен 17-октябрда ТИМ жетекчилигине дайындалып, аны жамаатка премьер-министр Мухаммедкалый Абылгазиев тааныштырган.
