Алты аял жол тандабасты көтөрүп, эркек адамды куткарып калышты. Видео Daily Mail агенттигинин Youtube каналына жарыяланган.
Окуя Кытайдын Гуань уездинде болгон. Анда 50 жаштагы эркек адам телефон менен сүйлөшүп баратып жакындап калган жол тандабасты байкабай калган. Жыйынтыгында айдоочу унааны токтото албай калып жөө жүргүнчүнүн бутун тебелеп кеткен.
Жабыркаган адамга жардам берүүгө бала бакча жактан бир заматта алты аял келип, жол тандабасты көтөрүп жөө жүргүнчүнү куткарып калышкан. Бутунун көп жеринен жаракат алган адам ооруканага жеткирилди.
