БИШКЕК, 15-апр. — Sputnik. Фантастикалык "Терминатор" тасмасындагы башкы ролду Арнольд Шварценеггердин ордуна 35 жаштагы америкалык актер Гэбриел Луна ойномой болду. Бул тууралуу тасманын режиссеру Тим Миллер Deadline басылмасына интервью берип жатып билдирген.
Гэбриел Луна "Агенты Щ.И.Т." сериалында арбак айдоочунун ролун жаратуу менен белгилүү болгон. Маалым болгондой тасма ушул жылдын жай айында тартыла баштайт. Сценарийи кандай болору азырынча белгисиз. Премьерасы 2019-жылдын 22-ноябрына пландалууда.
Congratulations to my boy @IamGabrielLuna #Terminator pic.twitter.com/zYO7C0V9p2
— BossLogic (@Bosslogic) 14 апреля 2018 г.
Шварценеггердин терминатордун ролун аткарбай турганы социалдык тармактарда түрдүү пикирлерди жаратты. Айрымдары жаңы актер өлбөс роботтун образын ийинине жеткире аткара албайт десе, дагы бири "Лунадан башка актер калбай калганбы" деп суроо салган.
"Гэбриел Луна бул ролго жарабайт. Анын көздөрү боорукер жана жалтаң. Ал эми Шварценеггердики өткүр болчу", — деп жазган Tina Leon аттуу колдонуучу.
В продолжении фильма «Терминатор» Арнольда Шварценеггера заменит актер Габриэль Луна, 35 лет ему.
— ⭐️Tina Leon⭐️ (@TinaGOLeon) 14 апреля 2018 г.
я конечно не знаю,может он как то перевоплотится конечно, но слишком уж он слащавый для этой роли, и глаза такие наивные,добрые😊
Арни внушительнее конечно pic.twitter.com/pdT3rVb7xW
Баса, кыргызстандык таяк тартыш чебери Азат Таштанбеков Арнольд Шварценеггерди жанынан көрүп таң калган жайы бар.
