Маршрутка айдоочулары эртең ишке чыгабы? Мэриянын жообу

© Sputnik / Табылды КадырбековЖолдо бараткан маршруттук автоунаа. Архив
Жолдо бараткан маршруттук автоунаа. Архив - Sputnik Кыргызстан
Жазылуу
Учурда Бишкектин аялдамаларынде кезек күткөндөр көп, коомдук транспортко болсо киши батпайт

БИШКЕК, 2-апр. — Sputnik. Бишкек мэриясынын шаардык транспорт башкармалыгынын жетекчи орун басары Нурлан Атыканов Sputnik Кыргызстан агенттигинин кабарчысына 3-апрелде маршруттук таксилердин айдоочулары ишке чыгат деп так кесе жооп бере алган жок.

Совещание по вопросу обеспечения деятельности автотранспортных предприятий Бишкека - Sputnik Кыргызстан
Исаков маршрутка айдоочуларынын иш таштоосуна эмне себеп болгонун айтты
Бүгүн, 2-апреде, Бишкектеги маршруттук таксилердин айдоочулары тарифи жогорулатып, жүргүнчүлөрдү милдеттүү түрдө камсыздандырууну жокко чыгаруу талабы менен иш таштап, каттамга чыккан эмес. Анын кесепетинен аялдамада кезек күткөндөр көп болуп, коомдук транспортко эл батпай калган.

Атыканов бүгүн саат 14:00дө журналисттер менен болгон жолугушууда бир нече сааттын ичинде айдоочулар каттамга чыгат деп сөз берген. Кечинде абал өзгөргөн жок, коомдук транспортту күткөн кишилер дагы деле көп, айдоочулар каттамга чыккан эмес. Шаардыктарды айрым тургундар гана бара турчу жерине чейин ала кетүүдө.

Атыканов Sputnik агенттигине айдоочулардын аз гана бөлүгү ишке чыгууга макул болгонун айтты.

"Болжол менен айдоочулардын 30дай гана пайызы каттамга чыкты. Азырынча аны тургундар дароо эле сезбейт. Анткени аз эле айдоочу ишке чыгууга макул болду. Калгандары чыга элек", — деди ал.

Ал эми айдоочулардын бардыгы эртең, 3-апрелде, ишке чыгабы деген суроого так жооп бере алган жок.

"Ал боюнча азыр эч нерсе айта албайм. Сүйлөшүүлөр жүрүүдө. Бардык айдоочулар эртең ишке чыгат деген үмүт гана бар", — деди Атыканов.

Мэрия бунт чыгарган маршруткачыларды ымга келтирип жолго салды. Видео - Sputnik Кыргызстан
Мэрия бунт чыгарган маршруткачыларды ымга келтирип жолго салды. Видео
Ал саат 14:00дө журналисттер менен болгон жолугушууда жакынкы айда камсыздандыруусу жок айдоочуларга айып салынбай турганын айткан. Ошондой эле инспекторлор дагы айдоочулардын камсыздандыруу алуусу үчүн дагы 3-4 жума берерин билдирген.

Бирок интернетте "бийлик айдоочуларга автоинспекторлордун айып салышына жол бербейт, камсыздандырууну бүтүрүп алуу үчүн бир ай убакыт берди" деген маалымат кайдан чыкканын билбей турганын белгиледи.

"Биз милиция айдоочуларды бир канча күн гана айыпка тартпайт деп сүйлөштүк, бир ай кайдан чыкты билбейм. Айдоочуларды качанкыга чейин айыпка тартпай турууга макул экенин милициядан сураш керек", — деди ал.

Ал айдоочулар менен сүйлөшүүлөр уланып жатканын кошумчалады.

Жаңылыктар түрмөгү
0