БИШКЕК, 31-янв. — Sputnik. Бишкек шаарынын Октябрь районундагы "Орто-Сай" соода комплекси өрт коопсуздугуна карата рейдден өттү. Бул тууралуу мэриянын маалымат кызматы билдирди.
30 Үчтүн айы 2018, 16:12
Рейд учурунда комплекстин ичиндеги "Оберон", "Кулун Ата", "Зима-Лето" жана муниципалдык жашылча базарларына өрт коопсуздугун тыкыр сактоо боюнча эскертүүлөр берилген.
Ошондой эле өрт өчүрүүчү каражаттардын абалы текшерилген.
Бишкек мэриясы жарандарды этият болуп, өрт коопсуздугун сактоого чакырат.
Белгилей кетсек, 30-январда "Ош" базарындагы "Сейтек" комплексинде өрт чыгып, 118 соода күркө күйүп кеткен. Өрт толугу менен 8,5 сааттан кийин өчүрүлгөн.
