БИШКЕК, 20-янв. — Sputnik. Канадада өз курбусун өлтүргөн кыз жети жылга эркинен ажыратылды. Кылмыштын бетин ачууга адам өлтүргөн кыздын селфиси жардам берген. Бул тууралуу Canadian Broadcasting Corporation басылмасына шилтеме берип РИА Новости жазды.
Саскатун шаарынын полициясы эки жылдан бери сөөгүн таштандыга ыргытылган кеткен 18 жаштагы Бритни Гарголдун өлүмүн иликтеп жаткан.
Маркумдун курбусу Шайенн Роуз Энтони полицияга Бритни экөө каргашалуу кечте жергиликтүү барлардын биринде чогуу болгонун, бирок ал аягында бейтааныш эркек менен кетип калганын билдирген.
Ал эми полиция Энтони курбусунун өлүмүнөн кийин социалдык тармакка жүктөгөн сүрөтүнө көңүл бурган. Селфиде Бритни Гаргол муунтулуп өлтүргөн курду Энтони тагынып турганын көрүүгө болот.
Ошентип Шайенн Роуз Энтони курбусун өлтүргөнүн мойнуна алганы менен окуя кандайча болуп кеткени эсинде жок экенин айткан.
