БИШКЕК, 15-янв. — Sputnik. Ысык-Көл облусунун Аксу районунун тоолуу аймактарына бир нече күндөн бери тынбай жааган кардын калыңдыгы бир метрге жетип калганын Жыргалаң айылынын тургуну Кайрат Дөргөев Sputnik Кыргызстан агенттигине билдирди.
Анын айтымында, кар 12-январдан бери жаап жатат.
1/2
© Фото / Кайрат Доргоев
Ысык-Көл облусунун Аксу районунун тоолуу аймактарына бир нече күндөн бери тынбай жааган кардын калыңдыгы бир метрге жетип калды
2/2
© Фото / Кайрат Доргоев
Кар 12-январдан бери жаап жатат.
1/2
© Фото / Кайрат Доргоев
Ысык-Көл облусунун Аксу районунун тоолуу аймактарына бир нече күндөн бери тынбай жааган кардын калыңдыгы бир метрге жетип калды
2/2
© Фото / Кайрат Доргоев
Кар 12-январдан бери жаап жатат.
"Январь айынын ондоруна чейин кар мурдагы жылдарга салыштырмалуу азырак болчу. Бирок азыр калыңдыгы бир метрге чукулдап калды", — деди Дөргөев.
Ал ошондой эле электр жарыгы, байланыш, жолдор боюнча көйгөй туулбаганын кошумчалады.
Кыргызгидрометтин Каракол шаардык гидрометеорология борборунан билдиришкендей, шаардын айланасында жана тоодон алыс жайгашкан жерлерде кар анча калың эмес.
Мындан тышкары, бул аймакта 16-январга чейин кар жаашы күтүлүп жатканын кошумчалашты.
