Өтүп кеткен 2017-жылда муктаждарга кол сунуп, айыл жериндегилердин маселесин чечүүгө аракет кылган иштер арбын болду. Sputnik Кыргызстан агенттиги электтик колу ачык адамдардын жасаган иштерин тизмектөөнү эп көрдү.
Ата Журтка тийсе экен деп керегим…
![Открытие центра гемодиализа в городе Балыкчи Открытие центра гемодиализа в городе Балыкчи - Sputnik Кыргызстан](https://sputnik.kg/img/103216/04/1032160409_0:0:2592:1728_600x0_80_0_0_bb8d41cd56b00eb913d937f7c3eaf2a9.jpg)
Балыкчылык жеке ишкер 10 милион сом акчасын пайдалуу ишке жумшап жергиликтүүлөрдү кубантты. Ал шаарга гемодиализ борборун куруп берип, тиешелүү жабдуу менен камсыздап, пайдаланууга өткөрүп берген. Учурда ал жакта бөйрөк оорусу менен жабыркаган жарандар дарыланып келет.
![Стоматолог, депутат айылского кенеша села Кунтуу Чуйской области Адилет Канымбеков Стоматолог, депутат айылского кенеша села Кунтуу Чуйской области Адилет Канымбеков - Sputnik Кыргызстан](https://sputnik.kg/img/103290/72/1032907266_0:0:3000:1814_600x0_80_0_0_34b5bec16c73ceabe73a3eba603c7c4a.jpg)
Таластагы жеке ишкер айым Талас районунун Чат-Базар айылынын негизги чоң жолун жарыктандырып берсе, 26 жаштагы тиш доктур өзү туулуп өскөн Чүй облусунун Күнтуу айыл аймагына жети аялдама куруп берген.
Жакшылыкта жарышкан азаматтар
![Ремонт сельской дороги выпускниками села Арка в Лейлекском районе Ремонт сельской дороги выпускниками села Арка в Лейлекском районе - Sputnik Кыргызстан](https://sputnik.kg/img/103280/04/1032800420_0:0:1000:600_600x0_80_0_0_a3d9b5dc7039fae4c785390908ed909b.jpg)
Эрте жазда Лейлек районунун Арка айылындагы классташтар айылдагы бир чакырым жолду оңдошкон. Кичи мекенине жардам берем дегендер жолду эки күндө эле кайра колдонууга берген.
![Строительство дома для семьи Мамыровых в селе Степное Строительство дома для семьи Мамыровых в селе Степное - Sputnik Кыргызстан](https://sputnik.kg/img/103385/37/1033853738_0:0:4800:2699_600x0_80_0_0_4d05d04de501a28815a2af38430631d8.jpg)
Дагы бир демилгечил жаштар үч балалуу энени ак өргөлүү кылышкан. Жардамга муктаж айымга колу ачык инсандар акча чогултуп, Чүйдүн Степное айылына алты бөлмөлүү үй куруп беришти. Андан сырткары, маршрутка жууп балдарын жана улгайган апасын баккан жалгыз бой келинди конуштуу кылууну максат кылышкан.
Майрамга эмес, муктажга
![Выпускники села Кара-Суу Кочкорского р-на строят дом для многодетной семьи Выпускники села Кара-Суу Кочкорского р-на строят дом для многодетной семьи - Sputnik Кыргызстан](https://sputnik.kg/img/103331/97/1033319782_0:0:1024:768_600x0_80_0_0_8b27a7ab7ad66311ec8452044abf9141.jpg)
Өтүп кеткен жылы 10, 20 жыл мурун мектепти бүтүп кеткен азаматтар кичи мекениндеги түрдүү социалдык маселелерди чечип, көпчүлүккө үлгү боло алышты. Чогулткан каражатына мал союп, эл көрсүн үчүн той өткөрбөстөн, муктаждарга кол сунган. Алсак, Кочкор районунун Кара-Суу айылындагы мектепти мындан 20 жыл бүтүрүп чыккандар ошол айылдагы майып болуп калган беш балалуу адамга үй куруп беришсе, ошол эле облустун Эмгекчил айылындагы мектепти 10 жыл мурда бүткөн жигиттер ижарага үй алып көчүп-конуп жүргөн пайгамбар жашындагы айылдашын там-таштуу кылышты.
![Постройка дома для пожилого жителя села Эмгекчил Нарынского р-на Постройка дома для пожилого жителя села Эмгекчил Нарынского р-на - Sputnik Кыргызстан](https://sputnik.kg/img/103354/67/1033546750_0:0:1032:581_600x0_80_0_0_3f49a8271f9f11b7bed432501388bbb8.jpg)
Ак-Талаа районундагы Коңорчок айылынын демилгелүү жаштары адырга бийиктиги 15 метрге жеткен мамлекеттик байрак орнотсо, ошол эле ишти Ат-Башы районунун Ак-Муз айылындагылар да улантып, бийиктиги 12 метрлик туу орнотуп беришкен.
![Учительница школы №25 Бурул Садыкова Учительница школы №25 Бурул Садыкова - Sputnik Кыргызстан](https://sputnik.kg/img/103360/94/1033609415_0:0:660:758_600x0_80_0_0_e90c2f761af55f7f586e15a170c1e6cd.jpg)
Эң кызыгы, Алай районунун Каблан-Көл айылындагы Эшкул Мурзаев атындагы №25 мектептин 20 жыл мурунку бүтүрүүчүлөрү эң мыкты окуучу менен мугалимге Дубайга 10 күндүк эс алууга жолдомо алып беришкен.