Соцтармак кызыктары: Бишкекти балкыткан Шахзода, режиссерлорду тамшанткан Анжелина

© Фото / фонд "Айтыш"Кинофестиваль Аsian World Film Festival (AWFF) в Лос-Анджелесе
Кинофестиваль Аsian World Film Festival (AWFF) в Лос-Анджелесе - Sputnik Кыргызстан
Жазылуу
Артта калган аптада бири-бирине окшобогон түрдүү окуялар социалдык тармактарда орун алып жатты. Азия жылдызы Шахзода Бишкекке келип ыр сунса, Голливуд жылдызы Анжелина Жоли Лос-Анжелесте кыргыз режиссерлорунун коногу болду.

БИШКЕК, 6-ноя. — Sputnik. Музыкалык мектепте окуган балдар борбор калаадагы троллейбустун ичинде казак күүсүн чертип, Кыргызстан менен Казакстанды элдешүүгө чакырды. Ал арада концерт учурунда айкашка акын Аалы Туткучевди "албарсты басты"… Sputnik Кыргызстан агенттиги ушул жана башка соцтармактагы кызыктуу сүрөт, видеолор топтомун сунуштайт.

До скорой встречи🇺🇿🇰🇬#Аромат#концертБишкек#Худогашукур

Публикация от Shahzoda (@shahzodasinger) Ноя 4 2017 в 6:59 PDT

1. Азия жылдызын жандуу көрүп… Өзбекстандан чыккан белгилүү ырчы Шахзода Бишкекте жеке концертин берди. Калаа тургундары анын жандуу үнүн угуп, гүл берип жана дагы сүрөткө түшкөнгө жетише алышты. Бул ирмемдерди ырчы өзүнүн Instagram баракчасына жүктөп, кыргызстандык күйөрмандарына ыраазычылыгын айтты.

2. Аалыны "албарсты" басканда. Бейшемби күнү "Эл ырчысы Эстебес" тобу концерт койду.  Кызыгы, анда көзгө көндүм кийинип жүргөн артисттер таптакыр башка амплуада чыкты. Баарынан да айтылуу акын Аалы Туткучевдин кепканы тескери кийип, “Албарсты мени басты, анан мен аны бастым” деп  рэп ырдаганы ары күлкүлүү, ары таң калычтуу окуя болду.  Алкыш сиздерге, өнөрпоздор! 

3. Капыстан жаңырган казак күүсү. Кыргыз балдар Алмазбек Атамбаев менен Нурсултан Назарбаевди элдешүүгө үндөп чыгышты. Алар атайын флешмоб уюштуруп кыргыздын улуттук аспаптары менен казак элинин “Ата толгауы” күүсүн троллейбустун ичинде чертишти. Балдар саясий кырдаал эки элдин маданиятын, ынтымагын бузбаш керек деген чакырык ташташкан. 

4. Кыргыз режиссерлору Анжелина Жолини коноктоп. Жогорку Кеңештин депутаты Садык Шер-Нияз тарабынан негизделип Лос-Анжелесте үчүнчү ирет өтүп жаткан Азия кинофестивалына Голливуд жылдызы Анжелина Жоли конокко келди. Аны менен кыргыз режиссерлору баарлашып аябай жөнөкөй адам экен дешти. Эми аны Кыргызстанга да алып келгиле! 

5. Талантына таң калбай коё албасың! “Маш ботой” күүсүн комуз, кыяк жана пианино музыкалык аспаптарын айкалыштырып чертишти. Кыргыз маданиятын көтөрчү жаштар, ишиңер илгерилей берсин!

Ушундай достор Комуздун комузу уну болсо Домбранын уну экен✌

Публикация от Мурадил Данияров (@muradil_daniyarov) Окт 30 2017 в 11:27 PDT

6. "Үйлөндүң калдың балээге". Бул жигит болсо же комузга же домбрага окшобогон аспап менен жаңы үйлөнгөн жигиттерге ыр арнаган.

Do you like drifting? #drift #Bishkek #motoshow

Публикация от Rasul MURAT (@rasul_murat) Ноя 5 2017 в 2:27 PST

7. Алкынган машиналар. Жекшембиде Бишкекте дрифт боюнча Gradus Cup Drift аттуу Кыргызстандын ачык чемпионаты өттү. Башкача айтканда, айдоочулар унаасы менен ар кандай трюктарды көрсөтүп жарышты.

Жаңылыктар түрмөгү
0
Алгач жаңыларыАлгач эскилери
loader