БИШКЕК, 30-окт. — Sputnik. Кыргыз-казак чек арасындагы кырдаалдан улам жабыр тарткан ишкерлерге колдоо көрсөтүү маселелери каралган жыйында премьер-министр Сапар Исаков тоскоолдуктарга чыдап турууга чакырды.
Казакстан муну мыйзамсыз импортту ооздуктоо максатында жасап жатканын айткан.
Ал эми 18-октябрда өкмөт башчы Сапар Исаков Казакстанга барып, ал жерде жеке жүгү менен бара жаткан жүргүнчүлөргө, каттамдагы автобустарга, жеңил унааларга жана бош жүк ташуучу унааларга текшерүү маалында жеңилдиктерди берүү тууралуу сүйлөшкөн.
Анткен менен Казакстанга кире албаган жүздөгөн жүк ташуучу унаалардын кезекте турганы турган.
"Кандай гана чечим кабыл алынбасын, кыргыз менен казак бир тууган эл бойдон калат. Биз ушул нерсени сактап калышыбыз керек", — деди премьер.
Ал кошумчалагандай, учурда казак бийлиги менен сүйлөшүүлөр жүрүп жатат. Мындан улам кичине чыдай туруу керек.
