Казак-кыргыз чегиндеги кырдаалга Чек ара кызматы үн катты

© Sputnik / Актан ТемиркановКыргыз-казак чек арасындагы абал
Кыргыз-казак чек арасындагы абал - Sputnik Кыргызстан
Жазылуу
Көзөмөл өткөрүү жайында маалыматтык такта орнотулуп, анда мамлекеттик чек арадан өтүүнү жол-жоболору жазылган

БИШКЕК, 11-окт. — Sputnik. Казак-кыргыз чек арасында 10-октябрь саат 18:00дөн бери коңшу мамлекет ары-бери каттагандарга көзөмөлдү күчөттү. Бул туурасында Мамлекеттик чек ара кызматынан кабарлашты.

Анда текшерүүгө жолоочулар менен бирге транспорт каражаттары да катуу текшерилип жаткандыгы кабарланган.

"Мындан улам чек арадан өтүп жатканда эл, транспорт жана жүк топтолуп калууда. Чек ара кызматы калкты бул жагдайга түшүнүү менен кароого чакырат", — деп айтылат маалыматта.

Мындан сырткары, көзөмөл өткөрүү жайында маалыматтык такта орнотулуп, анда мамлекеттик чек арадан өтүүнүн жол-жоболору жазылган. Эгерде бул учурда кандайдыр бир маселе жаралса, дароо кайрыла кала турган ишеним телефондорунун номерлери илинген.

Кыргыз-казак чек арасындагы абал учурда кандай болуп жатканын Sputnik Кыргызстан агенттигинин тексттик трансляциясынан таанышып турсаңыз болот>>

Жаңылыктар түрмөгү
0