Сариев: шайлоонун тынч өтүшүнүн өзү чоң жеңиш
Шайлоонун тынч өтүшүнүн өзү чоң жеңиш. Бул тууралуу Борбордук шайлоо комиссиясынын мурунку жетекчиси Акылбек Сариев Sputnik Кыргызстан радиосуна маек куруп жатып билдирди.
Эске сала кетсек, 15-октябрь күнү Кыргызстанда президенттик шайлоо өтүп, алдын ала маалыматтар боюнча Сооронбай Жээнбеков алдыда келе жатат.
"Мен көптөгөн шайлоолорго катышкам. Айрым учурларда опурталдуу окуялар болуп кетчү. Өлкө башчысын тандоо бул чоң процесс. Биз аны тынч өткөрүп алдык. Шайлоонун тынч өтүшүнүн өзү чоң жеңиш", — деди Сариев.
Кечээ күнү президенттикке талапкер болгон Өмүрбек Бабанов тарапташтарын чагымчылдыкка алдырбоого чакырган.
