БИШКЕК, 17-окт. — Sputnik. Академик Иварс Калвиньш Латвиядагы органикалык синтез институтундагы кесиптештери менен биргеликте аракечтикке каршы каражат ойлоп табышты. Бул тууралуу Sputnik Латвия агенттиги жазды.
Маалыматка караганда, бул дары буга чейин ичимдикке каршы колдонулган каражаттардан айырмаланып, алкоголдон жүрөк "айлантпайт". Тескерисинче, арактын ордуна колдонулат. Тагыраагы, биологиялык активдүү заттар адамдын мээсинде бакыт гормондорун иштеп чыгат.
"Спирт ичимдиктери баңгизат сыяктуу болгондуктан, керектүү абалга жетиш үчүн аны көп ичүүгө туура келет. Бул убакта адам мас болуп, ичимдиктин тетири жактары чыга баштайт. Ал эми биз ойлоп тапкан каражат адамды акылдан албайт. Киши буга көнүп дагы кетпейт", — деди окумуштуу.
Иварс Калвиньш — спортчулардын тегерегинде болгон көпчүлүк чууга тиешеси бар мельдоний каражатын иштеп чыккан окумуштуу.
Дүйнөлүк допингге каршы агенттик Калвиньштин каражатына каршы чыкканы менен академик өзү аны спортчунун ден соолугуна пайдалуу деп эсептейт.
