БИШКЕК, 24-авг. — Sputnik. Милиция кызматкерлери аларды граната менен коркуткандарды токтотуу үчүн асманга эскертүү иретинде бир нече жолу ок чыгарган. Бул тууралуу ИИМдин маалымат кызматы кабарлады.
Билдирмеге караганда, айрым жалпыга маалымдоо каражаттарына "милиционерлер кылмышкерлердин жолун торогон эмес" деп чыккан маалыматтар чындыкка коошпойт.
24 Баш оона 2017, 12:43
Бейшембинин түнүндө кайгуул милициясы документтерди текшерүү үчүн машинаны токтоткон. Анын ичинде төрт киши отурган. Алардын бирөө тапанча алып чыгып, милиция кызматкеринин башына такаса, экинчиси граната алып чыгып "жардырам" деп коркуткан. Мындан улам укук коргоо органдарынын өкүлдөрү аларды коё берүүгө аргасыз болуп, кылмышкерлер изин жашырууга жетишкен.
Кийин "Перехват" планы жарыяланып, шектүүлөр издөөгө алынды. Машина Көк-Жар кичи районунун аймагынан табылып, анын ичинен китептер жана уюлдук телефон алынган.
ИИМ маалымдагандай, инспекторлор машина кызыл жарыкка карабай өтүп кеткендиктен токтотушкан.
