Көк-Жардын тургундары түндө граната жардырабыз деп коркуткан окуя тууралуу айтышты

© © фото очевидца, отправленное по Whats App-каналуПоиск неизвестных лиц, возможно, членов террористической группировки
Поиск неизвестных лиц, возможно, членов террористической группировки - Sputnik Кыргызстан
Жазылуу
Yandex newsTelegram
Милиция кызматкерлерин түндө жардырабыз деп коркуткан төрт киши изделүүдө

БИШКЕК, 24-авг. — Sputnik. Көк-Жар конушунун тургундары Кулмырзаев көчөсүнөн табылган Nissan Presage үлгүсүндөгү машина кимдики экенин тааный алышкан жок.

Бейшембинин түнүндө кайгуул милициясы документтерди текшерүү үчүн машинаны токтоткон. Анын ичинде төрт киши отурган. Алардын бирөө тапанча алып чыгып, милиция кызматкеринин башына такаса, экинчиси граната алып чыгып аны "жардырам" деп коркуткан. Укук коргоо органынын өкүлдөрү аларды коё берүүгө аргасыз болгон. Аларды кармоо боюнча "Перехват" планы жарыяланып, шектүүлөр издөөгө алынды. Машина бир аздан кийин табылып, анын ичинен китептер жана уюлдук телефон алынган.

Совместные командно-штабные и мобилизационные учения на территории ТЭЦ Бишкека - Sputnik Кыргызстан
Терактынын алдын алууга болобу? Чекисттин кеп-кеңеши
Жергиликтүү тургундар таңкы саат 4:30дар чамасында ызы-чуу угушкан. Дал ушул маалда издөөгө алынгандар өздөрүнүн машинасын таштап, башкага түшүп кетиши мүмкүн экенин айтышууда.

Ал эми саат 6:30дар чамасында окуя болгон жерге беткапчан укук коргоо органдарынын кызматкерлери келип, машинаны тинтүүгө алып, тургундарды үйлөрүнөн чыгарышкан эмес.

Бир сааттан кийин гана сыртка чыгууга уруксат берип, суракка алышкан. Токтоп турган машинаны эч ким тааныган эмес. Тургундар тартип сакчылар бир катар кишинин үйүн тинтүүгө алып, машинаны алып кетишкендигин айтышты.

Белгилей кетсек, буга чейин Улуттук коопсуздук мамлекеттик комитети Кыргызстанда террордук аракеттерди жасоо коркунучу жогорулаганын айтып, элди сак болууга чакырган. Ошондой эле шектүүлөр тууралуу укук коргоо органдарына дароо кабар берүүнү эскерткен.

Жаңылыктар түрмөгү
0