БИШКЕК, 18-авг. — Sputnik. Улуттук коопсуздук боюнча мамелкеттик комитет Кыргызстанда теракт уюштуруу аракеттери күчөп жатканын айтып, мындан улам калкты этияттыкка чакырган билдирүү таратты.
Маалыматка ылайык, кооптуулук "Жамаат таухидва Джихад" деп аталган эл аралык террордук топтон жаралууда. Анын башында Кыргызстандагы Кытай элчилигин жардырууну уюштурганы үчүн издөөгө алынган Сирожиддин Мухтаров турат.
Адатта жарылуу болгонун адамдар унаада бара жатып, теледен же интернеттен көрүп билебиз. Алгач коркуу сезими пайда болгону менен жеке керт башыбызга түшпөгөндөн кийин кооптуулук тууралуу көп деле ойлонбойбуз. Анын үстүнө милиция менен коопсуздук кызматы дайым жумушта эмеспи.
Бирок кыйын кырдаалда өзүн кандай алып жүрүү керек экенин билген элдин колдоосу менен ар кандай кооптуулуктардын алдын алууга, кесепетин азайтууга болорун практика көрсөттү.
Ар бир кыргызстандык жаран террордук аракеттердин алдын кантип алса болорун коопсуздук боюнча эксперт, УКМК жетекчисинин мурунку орун басары Талант Разаков айтып берди.
Кыраакылык террорчулар тарабынан болчу коркунучтар менен күрөшүүдө чоң мааниге ээ.
Укук коргоо органдарына өз убагында айтылган маалымат жүздөгөн өмүргө аралжы боло алат.
Шек жараткан нерселерге, адамдардын аракетине көңүл буруу зарыл.
Ар ким өз таанышы, жакыны менен бейтааныш адамдар же түшүнүксүз нерселер жөнүндөгү коркунучун айтып бөлүшө алат.
Эл көп чогула турган иш-чараларга колдон келишинче барбай эле койгон оң.
Ал бир адам эл көп чогулган жердин кирип-чыккан эшигин, коопсуз жайларын билүүгө укуктуу.
Ар бир адам экстремисттик маанайдагы маалыматтын тарап жатканы тууралуу укук коргоо органдарына кабар жеткире алат.
Ар бир жаран шектүү маалыматтар тарап жаткан сайтты блокко кое алат.
Диний миссионерлерге эч көңүл бурбай койсо деле болот. Алардын кайсы динди тутаары анчалык мааниге ээ эмес, анткени террорчулар христианчылыкта да, исламда да, буддизмде да бар.
Ар ким үйүндө же коңшуларыныкындагы шектүү жыйындар тууралуу укук коргоо органдарын кабардар кылууга акылуу.
Жалгыз токой дарак болбойт, бирок коомчулук абалды өзгөртө аларын эч ким жадынан чыгарбашы керек.
Ушул жөнөкөй эрежелерди аткаруу менен ар бир адам өзүн жана жакындарын коргоп кала алат.
