БИШКЕК, 23-июн. — Sputnik. 25-июнь, Орозо айт күнү Ош шаарындагы бардык коомдук транспорттор тургундарды таң аткандан түн ортосуна чейин акысыз ташыйт. Бул тууралуу Sputnik Кыргызстан агенттигине Ош мэриясынын маалымат кызматынын жетекчиси Талант Канатбек уулу билдирди.
"Мындай чечимди шаар башчысы Айтмамат Кадырбаев кабыл алды. Бул Айт майрамына карата шаардыктарга мэриянын атынан белек болмокчу", — деди Канатбек уулу.
Белгилей кетсек, башка күндөрү шаар ичинде каттаган автобустар бир жүргүнчүдөн — 8, троллейбустар — 6 сом алат.
