Акималиев: оппозициянын биригиши күмөн
Оппозициянын биригиши күмөндүгүн Легендарлуу парламенттин депутаты, коомдук ишмер Жамин Акималиев Sputnik Кыргызстан радиосуна маек куруп жатып билдирди.
Анын айтымында, оппозиция өкүлдөрү тарыхтан сабак алышы керек.
"Оппозиция өкүлдөрү шайлоодо өз ара кете берсе, Крыловдун тамсилинен да жаман болот. Ошондуктан жеке кызыкчылыгын кое туруп, бирин тандап чыгышы керек. Анткен менен биригиши күмөн", — деди ал.
Акималиев оппозиция бир адамды алып чыкса шайлоо кызыктуу өтүп, элге да жакшы болоорун кошумчалады.
