БИШКЕК, 19-май — Sputnik. "Чыгыш-5" кичирайонунун аймагынан автобус жөө адамды коюп кеткенин күбө Sputnik Кыргызстан агенттигине билдирди.
Анын айтымында, окуя бүгүн саат 15:10дөр чамасында болгон. №7 автобустун айдоочусу Toyota ist автоунаасы менен тең келе жатып, айдоочулар бири-бирине жол бербей койгон. Автобус жеңил машинадан ашып өтөм деп, жол чийинден өтүп бараткан жөө адамды көрбөй калган.
"25 жаштардагы кишини коюп кетти. Ал эс-учун билбей жатат, оозунан кан дагы чыгып кетиптир. Жакын жерде кетип бараткан ӨКМдин кызматкерлери машинасын токтотуп, ага биринчи медициналык жардам көрсөттү", — деди күбө.
Учурда кырсык болгон жерде милиция менен Тез жардам бригадасы иштеп жатат.
Бишкек ШИИБдин Кайгуул милициясы жол кырсыгы болгонун тастыктады.
Эгер кандайдыр бир кызыктуу окуяларга туш болуп калсаңыз сүрөт, видеолорду биздин +996 706 566 544 WhatsApp номери аркылуу жөнөтүп кабарласаңыз болот.
