БИШКЕК, 12-май. — Sputnik. Бишкекте мамлекеттик кызматта иштегендердин спартакиадасы башталып, алар спорттун 12 түрү боюнча күч сынашат. Бул тууралуу Жаштар иши, дене тарбия жана спорт мамлекеттик агенттиги билдирди.
Маалыматка ылайык, иш-чара 12-майдан 17-майга чейин борбор калаадагы спорт ордосу менен Дөлөн Өмүрзаков атындагы стадиондо өтөт. Анда мамлекеттик кызматкерлер футбол, волейбол, бильярд жана жеңил атлетика өңдүү спорттун түрлөрү боюнча күч сынашат.
Мында күч түзүмдөрүндө иштегендер үчүн өзүнчө таймаш уюштурулат.
