БИШКЕК, 3-май. — Sputnik. Санарипке россиялык каналдарды кошуу боюнча сүйлөшүүлөр жүрүүдө. Бул тууралуу Sputnik Кыргызстан агенттигине маданият, маалымат жана туризм министринин орун басары Айнура Темирбекова билдирди.
Маданият, маалымат жана туризм министринин орун басары Айнура Темирбекова
© Sputnik / Досхан Нусупбеков
Эске сала кетсек, үстүбүздөгү жылдын 15-майынан тарта Кыргызстанда аналогдук берүүлөр өчүрүлөт. Жарандар эми санариптик берүүгө өтүшү керек.
"Учурда социалдык пакетте 13 канал бар. Негизи 15 каналдан түзүлөт. Азырынча эки орунду россиялык телеканалдар үчүн кармап турабыз. Сүйлөшүүлөрдү жүргүзүп, мыйзам долбоору кабыл алынды. Ага ылайык, үч ай мөөнөттө эки россиялык каналды киргизүү оюбуз бар", — деди Темирбекова.
Ал россиялык каналдарды көрсөтүү үчүн бюджеттен акча кетпей тургандыгын кошумчалады.
