БИШКЕК, 2-май — Sputnik. Кыргызстандын Россиядагы элчилиги Москвадагы таштанды жайынан Кыргызстандын жарандардын сөөгү табылды деп ЖМКга чыккан маалыматты текшерүүдө. Бул тууралуу элчиликтен билдиришти.
Кайрылуу укук коргоо, прокуратура органдары менен Тергөө комитетине жөнөтүлгөн.
Гезиттин жазганына караганда, аталган бөлүм жол кырсыгынан каза болгон кыргызстандыктардын ишин иликтеп жаткан. Жол кырсыгы январь айынын башында болуп, маркумдардын денеси катуу күйүп калган. Алар экспертизага, андан кийин жерге берүү үчүн Кыргызстанга жөнөтүлгөн. Күйгөн дененин айрым бөлүктөрү өлүк канада калган.
Жакында тергөөчүгө экспертизанын жыйынтыгы даяр болгонун айтып чалышкан. Ага дененин калган калдыктары менен чогуу сот медэкспертизанын жыйынтыгын берген. Алдын ала маалымат боюнча тергөөчү калдыктарды жок кылуу үчүн дароо крематорийге бериши керек болчу. Бирок жетишпей калгандыктан аны таштанды жайга ыргытып жиберген болушу мүмкүн деген божомол айтылууда.
