БИШКЕК, 2-май — Sputnik. Бириккен Улуттар Уюмунун башкы катчысы Антониу Гутерреш Кыргызстанга июнь айында келери күтүлүп жатканын КР Тышкы иштер министрлигинин маалымат кызматы билдирди.
Мындай маселе КР Тышкы иштер министри Эрлан Абдылдаев менен БУУнун Борбор Азиядагы аймактык борборунун жетекчиси Петко Драганов менен Ашхабадда жолугушканда көтөрүлгөн.
Буга чейин Абдылдаев Ашхабадда "Борбор Азия — Япония" диалогунун тышкы иштер министрлеринин алтынчы жыйынына катышкан болчу.
