БИШКЕК, 2-май. — Sputnik. Баткен районунда беш жашар баланы унаа коюп, каза болду. Бул тууралуу Sputnik Кыргызстан агенттигине Баткен облусунун Кайгуул милициясынан кабарлашты.
Жол кырсык 30-апрелде Баткен — Кызыл-Бел унаа жолунун 6-чакырымында катталган. Жеткинчекти Lexus GS-300 үлгүсүндөгү унаанын 30 жаштагы айдоочусу Кызыл-Бел айылынан койдуруп кеткен.
"Алдын ала маалыматтарга караганда, бала унаа өтүүчү жолго чуркап чыга калган. Ал алган жаракаттарынан улам ооруканада көз жумган. Шектүү колго түшүрүлдү", — деп Кайгуул милициясынан кабарлашты.
Учурда бардык керектүү экспертизалар дайындалды. Кылмыш иши козголо элек.
