БИШКЕК, 2-май — Sputnik. Кыргызстанга эмгек сиңирген геолог Бакир Чодобаев узакка созулган оорудан улам 93 жашында 2-май күнү каза болгонун жакындары билдирди.
Чодобаев Кыргызстанда Улуу Ата Мекендик согуштун ардагерлеринин жана тылда эмгектенгендердин бирикмесин негиздеген.
Ал 1924-жылы 9-майда Ысык-Көл облусунун Ак-Терек айылында туулган. Кийин Улуу Ата Мекендик согушка катышкан.
КР ССРине жана Кыргызстанга эмгек сиңирген геолог, илим жана техника тармагында КР мамлекеттик сыйлыгынын лауреаты болгон. "Эмгек Кызыл Туу", "Эрдик үчүн", "Даңк" Экинчи даражадагы "Манас" ордени менен сыйланган.
Анын сөөгү 3-майда "Ала-Арча" көрүстөнүнө коюлат.
