Казакстанда окуучу 8 жашар кызды педофилден сактап калды

Жазылуу
11-класстын окуучусу Тимурбек Жамаладдинов өзүнүн жарандык милдетин аткарганын билдирип, сый акы алуудан баш тартты.

БИШКЕК, 18-апр. — Sputnik. Казакстандык Тимурбек Жамаладдинов сегиз жашар кызды мас кишиден куткарып калган эрдиги үчүн берилген сыйлыктан баш тартты. Бул тууралуу Sputnik Казакстан жазып чыкты.

Окуя 14-апрелде Казакстандын Алматы облусундагы Турген айылында болгон. Мас абалындагы адам кичинекей кызга кол салганын көргөн Тимурбек мас кишини түртүп, айбат көрсөтүп, кызды зомбулуктан сактап калды.

"Чыныгы атуул катары өзүмдүн жарандык милдетимди аткардым. Наристенин абалы шүгүр экенин билем. Бул үчүн мага сыйлыктын кереги жок", — деди өспүрүм.

Россиянын Иркутск шаарында эмгектенип жүргөн кыргызстандык мигрант Каныбек Абдулазизов - Sputnik Кыргызстан
Иркутскиде КР мигранты 5-кабатка асылып калган кишини сактап калды. Окуянын чоо-жайы
Буга чейин полиция жаш куткаруучуга сыйлык ыйгара турганын билдирген. Бирок Тимурбек өзүн баатыр деп эсептебейт.

"Менин ордумда ким болсо да ушундай кадамга бармак деген ойдомун" — деген өспүрүм коомчулуктун ашыкча көңүл буруусунан тажаганын белгиледи.

Зордуктоого шектелген адам Турген айылынын 32 жашар тургуну болуп чыкты. Ага карата "Жашы жете электерге сексуалдык мүнөздөгү зордук көрсөтүү аракети" беренеси боюнча кылмыш иши козголду. Шектүү камакка алынып, аны 15 жылдан 20 жылга чейин абакка отургузуу же өмүр бою эркинен ажыратуу жазасы пайдаланылышы мүмкүн.

Жаңылыктар түрмөгү
0