Капталынан жыгылган маршрутка. Кырсыктын жаңы видеосу чыгып, себептери айтылууда

Жазылуу
Кайгуул милициясы мындай пикирин видеокамералардагы жазуу менен күбөлөрдүн айтканына таянып билдирүүдө.

Кочкордо эки унаа кагышып, бир аял каза болду. Кырсыктын видеосу - Sputnik Кыргызстан
Кочкордо эки унаа кагышып, бир аял каза болду. Кырсыктын видеосу
Борбор калаадагы Байтик баатыр менен Горький көчөлөрүнүн кесилишинде кырсыкка кабылган маршруттук таксинин айдоочусу алдын ала маалымат боюнча жол чырак кызыл болуп турганда өтүп кеткен. Бул тууралуу Бишкек ШИИБдин Кайгуул милиция башкармалыгынан билдиришти.

Эскерте кетсек, жекшемби күнү саат 18.00дөр чамасында аталган аймакта эл ташыган Mercedes Benz Sprinter менен Toyota Camry үлгүсүндөгү унаа кагышып, капталына кулаган маршруттук такси бир топко чейин сүрүлүп барган. Күбөлөрдүн айтымында, маршрутканын ичинде 15 адам болгон. 

Бул жол кырсыгынан жети адам жаракат алып, анын бири жаш бала болгон. 14 жаштагы өспүрүм шаардык балдар клиникалык ооруканасына жеткирилип, анын баш мээси чайкалганы аныкталган.

"Тергөөчү камералардагы видеону алган, андан айдоочунун жол чырак кызыл күйүп турганда өтүп кеткенин көрүүгө болот. Бул пикирди күбөлөр да тастыктоодо", — дешти милициядан.

Маалыматка ылайык, 57 жаштагы айдоочу "Мейкин" ишканасында иштеп, №199 маршруттук таксини айдайт. Үстүбүздөгү жылдын 29-мартында аталган компанияга микроавтобустарды техникалык кароодон өткөрбөй туруп жолго чыгарганы үчүн 5000 сом айып салынган.

Калаадагы жол кырсыгы көп катталган көчөлөрдү, борбордо кайсы жол кырсыгынын түрү көп болуп жатканын жана алар кайсы маалга туш келерин Sputnik Кыргызстан материалынан көрүңүздөр>>

Жаңылыктар түрмөгү
0