БИШКЕК, 29-мар. — Sputnik. Бишкекте журналисттер жол кырсыгына кабылганын теле алып баруучу Ассоль Молдокматова Sputnik Кыргызстан агенттигине билдирди.
Анын айтымына караганда, 28-март күнү саат 20.15те НТС телеканалынын тартуу тобу Жукеев-Пудовкин менен Ахунбаев көчөлөрүнүн кесилишинде Honda Fit үлгүсүндөгү унаа жол бербей койгондуктан аны менен кагышып кеткен.
Рулда айдоочулук күбөлүгү жок 19 жаштагы бала болгон. Кырсык болгон жерге Кайгуул милициясынын кызматкерлери келген.
"Айдоочу өз күнөөсүн мойнуна алганы менен анын атасы келип менин кесиптештеримди сөгүп кирди", — деди Молдокматова.
"Менин кесиптештерим ооруканага жеткирилди. Келтирилген чыгымдар кайтарылмай болду", — деп кошумчалады теле алып баруучу.
Аталган факты боюнча тергөө иштери уланып жатат.
