Бишкекте дагы бир Кайгуул милициясынын кызматкерин унаанын капотуна жаткырган бойдон сүйрөп кеткен окуя катталганын Sputnik Кыргызстан агенттигине күбө билдирди.
24 Жалган Куран 2017, 12:46
Анын айтымына караганда, окуя бүгүн, 23-март күнү, саат 12.30дар чамасында Жибек Жолу проспектисиндеги батыш автобекетинин аймагында болгон. Видеожазуудан милиционер капотко жармашкан бойдон кетип баратканын көрүүгө болот.
Бишкек ШИИБ маалыматты иликтеп жатат.
Бул март ичинде болуп жаткан үчүнчү окуя. 15-март күнү Чүй менен Манас проспектилеринин кесилишинде айдоочу инспекторго баш ийбей койгон. Бирок милиционер анын капотуна жармашып алыска узаткан эмес.
Ушундай эле окуя 20-мартта Киев көчөсү менен Манас проспектисинде катталган. Кайгуул милициясынын маалыматы боюнча документин көрсөтүүдөн баш тарткан айым инспекторду жабыштырган боюнча унаасын айдап жөнөгөн.
