БИШКЕК, 23-мар. — Sputnik. Кыргызстандын аймактарындагы туризм эми гана өнүгүп келе жатканын Туризм департаментинин жетекчиси Азамат Жаманкулов Sputnik Кыргызстан агенттигинин мультимедиалык борборунда өткөн видеокөпүрө учурунда билдирди.
Минск — Кишенев — Бишкек — Тбилиси видеокөпүрөсүнүн катышуучулары "Туристтерди кантип тартуу керек? Сезондун ачылышы" темасында пикир бөлүшүштү.
"Кыргызстан көчмөн элинин мекени болуп эсептелет. Учурда так ушул брендди таанытып жатабыз. Ал эми аймактардагы туризмди өнүктүрүү үчүн креативдүү идеялар бизде жетиштүү", — деди Жаманкулов.
Ал ошондой эле өлкөнүн туристтик потенциалын сайттар, видеоконференциялар жана социалдык тармактар аркылуу көтөрүүгө болорун кошумчалады.
